Latest topics
» தகர்க்க முடியாத கோட்டைப் பங்குகள்!
by தருண் Mon Aug 07, 2017 11:27 am

» ஸ்மால் & மிட் கேப் ஃபண்ட் முதலீடு... - கவனிக்க வேண்டிய 10 விஷயங்கள்!
by தருண் Fri Jul 21, 2017 10:09 am

» ஆவணங்களை லேமினேட் செய்வது சரியா?
by தருண் Fri Jul 21, 2017 10:04 am

» வருமான வரிச் சலுகைகள் & முதலீடுகள்! - நில்... கவனி... செய்!
by தருண் Fri Jul 21, 2017 10:00 am

» வருமான வரிக் கணக்குத் தாக்கல்... தவிர்க்க வேண்டிய 10 தவறுகள்!
by தருண் Thu Jul 20, 2017 9:47 am

» அரசு ஊழியர்களுக்கு வருமான வரிக் கணக்கீடு எப்படி?
by தருண் Thu Jul 20, 2017 9:44 am

» இயற்கைப் பேரழிவிலிருந்து காக்கும் காப்பீடுகள்!
by தருண் Thu Jul 20, 2017 9:40 am

» இஎல்எஸ்எஸ் ஃபண்ட் யாருக்கு ஏற்றது?
by தருண் Thu Jul 20, 2017 9:38 am

» பைசா பங்குகளில் முதலீடு செய்யலாமா?
by தருண் Thu Jul 20, 2017 9:37 am

» வருமான வரிக் கணக்கு தாக்கல் இனி ஈஸிதான்!
by தருண் Thu Jul 20, 2017 9:35 am


சரண்டர் பாலிசிகள்... மீண்டும் உயிர் தரலாம் !

View previous topic View next topic Go down

சரண்டர் பாலிசிகள்... மீண்டும் உயிர் தரலாம் !

Post by தருண் on Wed Nov 13, 2013 3:46 pm

ஒருமுறை சரண்டர் செய்த இன்ஷூரன்ஸ் பாலிசியை மீண்டும் உயிர்ப்பிக்க முடியுமா? முடியுமே என்கிறது இந்தியாவின் முன்னணி பொதுத் துறை ஆயுள் காப்பீட்டு நிறுவனமான எல்.ஐ.சி. எப்படி என்று கேட்கிறீர்களா?
பல பாலிசிதாரர்கள் ஆயுள் காப்பீடு பாலிசியை சரண்டர் செய்துவிட்டால், அத்துடன் அது முடிவுக்கு வந்துவிட்டது என்று நினைக்கிறார்கள். அது தவறு, சரண்டர் செய்து, பணம் வாங்கிய பாலிசிகளைகூட மீண்டும் உயிர்ப்பிக்க முடியும். எப்படி என்று கேட்கிறீர்களா?

லைஃப் இன்ஷூரன்ஸ் பாலிசியைப் புதுப்பிப்பதற்கும் (Revival), உயிர்ப்பிப்பதற்கும் (reinstatement) வித்தியாசம் இருக்கிறது. பாலிசியைப் புதுப்பித்தல் என்பது குறிப்பிட்ட காலத்துக்கு பிரீமியம் கட்டாமல் விடுபட்டுவிட்ட நிலையில், காலாவதியான பாலிசிக்கான பிரீமியத்தை அபராதத்துடன் கட்டி பாலிசியை செயல்பாட்டுக்கு கொண்டு வருவது. ஆனால், பாலிசியை உயிர்ப்பிப்பது என்பது அந்த பாலிசியை சரண்டர் செய்துவிட்ட நிலையில் அதே பாலிசிக்கு மீண்டும் உயிர்த் தருவதாகும்.

சில குறிப்பிட்ட சமயங்களில் பாலிசியை சரண்டர் செய்துவிட்டாலும், அதனை ரத்து செய்வது அவசியமாகிறது. அல்லது சரண்டர் என்பது தானாக ரத்தாகிவிடும். உதாரணத்துக்கு, ஒருவர், லைஃப் இன்ஷூரன்ஸ் பாலிசியை சரண்டர் செய்துவிட்டார். ஆனால், பணம் அவருக்கு வந்து சேருவதற்குள் அவர் இறந்துவிட்டார் எனில், இதனை இறப்பு கோரிக்கையாக கணக்கில் எடுத்துக்கொண்டு முழுகவரேஜ் தொகையும் குடும்பத்திற்கு வழங்கப்படுகிறது.

சரண்டர் தொகையானது, காசோலை மூலம் பாலிசிதாரருக்கு அனுப்பப்பட்டு, அது அவர் கையில் கிடைக்கும்முன் அல்லது அந்த காசோலையைப் பணமாக்கும் முன் பாலிசிதாரர் இறந்துவிட்டால், அந்த காசோலையைப் பணமாக்காமல் இன்ஷூரன்ஸ் நிறுவனத்துக்கு தெரிவிப்பது அவசியம். இதுபோன்ற தருணத்தில் சரண்டர் செய்த பாலிசிக்கான கவரேஜ் தொகை முழுமையாக கிடைக்கும். இந்த காரணங்களுக்காக பாலிசியை சரண்டர் செய்பவரும், பாலிசியை சரண்டர் செய்யும் விவரத்தைக் குடும்பத்தினருக்கு தெரிவிப்பது நல்லது.
ஒருவர் பாலிசியை சரண்டர் செய்து, பணமும் வாங்கிவிட்டார். இந்நிலையில், அவர் உயிருடன் இருக்கும்பட்சத்தில் அந்த பாலிசியை உயிர்ப்பிக்க முடியுமா?

''முடியும்..!'' என்கிறார், எல்.ஐ.சி. பிராந்திய மேலாளர் (சி.ஆர்.எம்.) வி.விஜயராகவன். எப்படி என்று அவரிடமே கேட்டோம். ''அவசர பணத் தேவை அல்லது விவரம் தெரியாமல் ஒருவர் பாலிசியை சரண்டர் செய்துவிட்டார். மீண்டும் அந்த பாலிசியைத் தொடர விரும்புகிறார் எனில் சரண்டர் தொகையை, அவர் பாலிசியை வைத்து அடமானக் கடனாக வாங்கியதாக இன்ஷூரன்ஸ் நிறுவனம் கணக்கில் எடுத்துக் கொள்ளும். வாங்கிய சரண்டர் தொகையை 10 சதவிகித வட்டியுடன் திரும்பக் கட்டினால் பாலிசியை உயிர்ப்பித்துவிடலாம். ஆனால், சரண்டர் செய்த ஆறு மாத காலத்துக்குள் இதை மேற்கொள்வது அவசியம்'' என்றார் அவர்.

பாலிசி சரண்டர் செய்தவரின் வயது 45 வயதுக்கு மேல் இருந்தால் மருத்துவச் சான்றிதழ் தரவேண்டும். சரண்டர் செய்த பாலிசிக்கான கவரேஜ் தொகை அதிகமாக இருக்கும்பட்சத்திலும் மருத்துவச் சான்றிதழ் தரவேண்டும். புது இன்ஷூரன்ஸ் பாலிசி பத்திரம், டூப்ளிகேட் பாலிசி பத்திரமாக விநியோகிக்கப்படும். இதற்கு சில நூறு ரூபாய் கட்டணம் உண்டு.

ஆனால், பாலிசியை சரண்டர் செய்த நிலையில், பாலிசிதாரர் இறந்தால் அதனை இழப்பீடாக கருதவேண்டும் என்றோ, சரண்டர் செய்து பணம் பெற்ற பாலிசியை உயிர்ப்பித்து தரவேண்டும் என்றோ எந்த பாலிசிதாரரும் இன்ஷூரன்ஸ் கம்பெனியை வற்புறுத்த முடியாது. மேலும், அதிக பிரீமியம் உள்ள எண்டோவ்மென்ட் பாலிசி மற்றும் மணி பேக் பாலிசியை மட்டுமே இன்ஷூரன்ஸ் நிறுவனங்கள் இப்படி உயிர்ப்பித்து தருகின்றன. மற்றபடி பென்ஷன் பாலிசிகள், பங்குச் சந்தை சார்ந்த யூலிப் பாலிசிகளில் இச்சலுகை இல்லை. தற்போதைய நிலையில், தனியார் நிறுவனங்கள், பெரும்பாலும் சரண்டர் செய்யப்பட்ட பாலிசிகளை உயிர்ப்பித்து தருவதில்லை.


-நாணயம் விகடன்

தருண்

Posts : 1293
Join date : 08/10/2013

View user profile

Back to top Go down

View previous topic View next topic Back to top


 
Permissions in this forum:
You cannot reply to topics in this forum