Latest topics
» ஸ்மால் & மிட் கேப் ஃபண்ட் முதலீடு... - கவனிக்க வேண்டிய 10 விஷயங்கள்!
by தருண் Fri Jul 21, 2017 10:09 am

» ஆவணங்களை லேமினேட் செய்வது சரியா?
by தருண் Fri Jul 21, 2017 10:04 am

» வருமான வரிச் சலுகைகள் & முதலீடுகள்! - நில்... கவனி... செய்!
by தருண் Fri Jul 21, 2017 10:00 am

» வருமான வரிக் கணக்குத் தாக்கல்... தவிர்க்க வேண்டிய 10 தவறுகள்!
by தருண் Thu Jul 20, 2017 9:47 am

» அரசு ஊழியர்களுக்கு வருமான வரிக் கணக்கீடு எப்படி?
by தருண் Thu Jul 20, 2017 9:44 am

» இயற்கைப் பேரழிவிலிருந்து காக்கும் காப்பீடுகள்!
by தருண் Thu Jul 20, 2017 9:40 am

» இஎல்எஸ்எஸ் ஃபண்ட் யாருக்கு ஏற்றது?
by தருண் Thu Jul 20, 2017 9:38 am

» பைசா பங்குகளில் முதலீடு செய்யலாமா?
by தருண் Thu Jul 20, 2017 9:37 am

» வருமான வரிக் கணக்கு தாக்கல் இனி ஈஸிதான்!
by தருண் Thu Jul 20, 2017 9:35 am

» சரியும் எஃப்.டி வட்டி... அதிக வருமானத்துக்கு என்ன வழி?
by தருண் Thu Jul 20, 2017 9:33 am


நிதி திரட்டுவது எப்படி?

View previous topic View next topic Go down

நிதி திரட்டுவது எப்படி?

Post by தருண் on Sat May 24, 2014 7:17 pm

தொழில் செய்ய விரும்பும் முதல் தலைமுறையினர் எடுத்தவுடன் கேட்பது பணம்தான். அப்பா வசதியானவராக இருந்தால் அவரிடம் உடனே தனது தொழில் பற்றிய ஐடியாவைக் கூறி பணம் கேட்கின்றனர். அப்பா பெரும் பணக்காரராக இருந்தால் அவரும் கேட்ட தொகையை உடனடியாக கொடுத்துவிடலாம். ஆனால், பல்லாயிரக்கணக்கான பெற்றோர்கள் நடுத்தரவர்க் கத்தில்தான் இருக்கின்றனர். அவர்கள் குழந்தைகளைப் பெற்று, வளர்த்து, கல்லூரிகளில் படிக்க வைத்து தன் மகனோ அல்லது மகளோ சொந்த காலில் நின்று கொள்ளுவார் என்று பெருமை கொள்ளும் சமயத்தில், பெற் றோர்களைச் சார்ந்து குழந்தைகள் தங்கள் எதிர்காலத்தை அமைப்பது உகந்ததல்ல. மேலும் பெற்றோர்களே இன்றைய நிதி நெருக்கடியில் தங்களது ஓய்வு கால நிதித்தேவைகளுக்கு எவ் வாறு வழிவகை செய்வோம் என்று குழம்பியிருக்கும் நேரத்தில், இதுபோல் ஒரு வெடிகுண்டை குழந்தைகள் போடுவது முறையானதும் அல்ல.

பெற்றோர்களை விட்டால் குழந்தைகள் அடுத்து நாடுவது தங்களது மிக நெருங்கிய உற வினர்களை அல்லது நண்பர் களைத்தான். அவர்களின் நிதி நிலைமை எவ்வாறு இருக்கிறது என்று கூட நிதி கேட்பவருக்குத் தெரியாது. இவர்கள் இருசாரரிட மும் பணம் கிடைக்கவில்லை என்றவுடன் தொழில் முனைவோர் வருத்தப்பட ஆரம்பித்து விடுவர்.

எதற்குமே சரியான அணுகு முறை என்று ஒன்று உள்ளது. பணம் இருக்கும்/ இல்லாத பெற் றோரிடமோ அல்லது உறவினரி டமோ அல்லது நண்பரிடமோ உடனடியாகப் பணம் கேட்டு அவர்களையும் தர்ம சங்கடத்திற்கு உண்டாக்கி நம்மையும் தர்ம சங்கடத்தில் உள்ளாக்கிக் கொள்வது என்பது தவறு.

பொதுவாகக் கல்லூரி முடித்த வுடன் தொழில் செய்ய விரும்பு பவர்கள், தங்களது தொழிலுக்குத் தேவையான அளவு, சிறிய மூலதனத்தை வேலையில் சேர்ந்து சம்பாதித்து சேர்ப்பதுதான் சரி யான முறையாகும். எனது ஐடியா மிகவும் சூப்பர்; பல கோடி ரூபாய் சம்பாதிக்க வாய்ப்புள்ளது; ஆகவே தொழில் ஆரம்பிக்க என்னால் சிறிது காலம்கூட காத் திருக்க முடியாது என நினைப் பவர்கள், ஸீட் கேபிட்டல் மற்றும் வெஞ்சர் கேபிட்டல் (Seed Capital & Venture Capital) நிறுவனங்களை அணுகி தங்களது ஐடியாவை செயல் வடிவத்திற்குக் கொண்டு வருவதற்கு பணம் கேட்கலாம்.

முதல் முறையாக தொழில் துவங்க நினைப்பவர்கள் முதலில் தங்களது ஐடியாவை ஒரு ரிப் போர்ட் வடிவத்தில் கொண்டு வரவேண்டும். அந்த ரிப்போர்ட்டில் தாங்கள் செய்யப்போகும் தொழில் பற்றிய விபரங்கள், அத்தொழிலுக்கு இருக்கும் வாய்ப்புகள் மற்றும் சந்தை, அத்தொழிலின் சிறப்பம்சங்கள், அத்தொழிலை தான் செய்வதால் என்ன சிறப்பு, அத்தொழிலிலிருந்து எதிர்பார்க்கும் லாபங்கள், அடுத்த 3 அல்லது 5 வருடத்தில் ஆரம்பிக்கப்போகும் தொழில் எந்நிலையில் இருக்கும் போன்ற விவரங்கள் அனைத்தையும் ஓரிரு பக்கங்களுக்குள் விவரியுங்கள். இதை குறுகிய பிராஜக்ட் ரிப் போர்ட் (Project Report) என்றும் கூறலாம். முதலில் இந்த குறுகிய ரிப்போர்ட்டை உங்களுக்கு நெருக்கமாக இருக்கும் அதே சமயத்தில், முதலீடு செய்யத் திறனுள்ள நண்பர்கள் உறவினர் களிடம் பகிர்ந்து கொள்ளுங்கள். அவர்களின் அபிப்ராயம்/ கருத்து களைப் பொருத்து மற்றவர்களிடம் நீங்கள் பேசலாம். உங்களின் முதல் முயற்சி அவ்வளவு வெற்றி கரமாக இருக்காது. சிலசமயங் களில் உங்களை நம்பி யாரும் பணம் போடக்கூட முன் வரமாட் டார்கள். அதற்காகக் கவலைப் படாதீர்கள். உங்களிடம் திறமை யும் ஐடியாவும் இருக்கும் பொழுது அதை உங்களால் முடிந்த சிறிய முதலீட்டுடன் வெளிக்கொண்டுவரப் பாருங்கள். உங்கள் திறமை ஓரளவு தெரிந்து விட்டால், மக்களுக்கு உங்கள் மீது நம்பிக்கை ஏற்படும். அதன் பிறகு அவர்களும் பணம் தர முன் வருவார்கள். நிதி திரட்டுவது என்பது அவ்வளவு சுலபமான காரியம் அல்ல. இன்றைய உலகத்தில் சிறிய முதலீட்டில் பல தொழில்களை நீங்கள் தொடங்கலாம். உங்களது திறன் வெளிப்பட வெளிப்பட பலரும் உங்களுடன் சேர்ந்து தொழில் செய்ய முன் வருவார்கள்.

இன்று தொழில் செய்ய விரும் பும் பலரும் எடுத்த எடுப்பிலேயே எங்களுக்கு வெஞ்சர் கேபிட்டல் கிடைக்குமா அல்லது பிரை வேட் ஈக்விட்டி (Private Equity) கிடைக்குமா என்று கேட்கிறார்கள். இவையெல்லாம் இன்றைய இந்தியாவில் சகஜமாக கிடைக் கிறது; என்றாலும் நீங்கள் நினைப் பது போல் அவ்வளவு சுலபமானது அல்ல. ஆரம்ப காலங்களில் நீங்கள்தான் வியர்வை சிந்த வேண்டும். ஓரளவு உங்களது ஐடியாவை நிரூபித்த பிறகு பலரும் உங்களுடன் சேர்ந்து பறக்கத் தயாராக இருப்பார்கள். அதுவரை தலைவரும் நீங்கள்தான்; வீரரும் நீங்கள்தான் என ஒரு மனித ராணுவமாகச் செயல்பட வேண்டும்.

உங்கள் தொழில் சிறிதளவேணும் வளர்ந்த பிறகு, உங்களது தொழில் வளர்ச்சிக்காக வங்கிகள் அல்லது வங்கிசாரா நிதி நிறுவனங்களை நீங்கள் நாடலாம். வங்கிசாரா நிதி நிறுவனங்களில் வட்டி சற்று அதிகமாக இருக்கும். அதே சமயத்தில் பிராஸஸிங்கும் சற்று விரைவாக இருக்கும். வங்கிகளிடம் வட்டிகள் குறைவாக இருக்கும் ஆனால் அவர்கள் கடன் தருவதற்கு சற்று தாமதமாகும். ஆரம்பகாலங்களில், உங்களின் சொந்தபந்தம், உறவினர்கள், நண்பர்கள் மற்றும் உங்கள் மேல் நம்பிக்கை வைத்துள்ளவர்களின் பணத்துடன் ஆரம்பித்து, பிறகு சற்று கடன் வாங்கி தொழிலை உயர்த்தி, அதன் பிறகு நீங்கள் வெஞ்சர் கேபிட்டல், பிரைவேட் ஈக்விட்டி போன்ற நிறுவனங்களிடம் நிதி கேட்டு செல்லும் பொழுது உங்களைச் சற்று உயர்த்திப்பார்ப்பார்கள். அவர்கள் பணம் தரவும் நிறைய வாய்ப்புகள் உள்ளன. அதுசமயம் நீங்கள் உங்கள் தொழிலை இன்னும் விரிவு படுத்தலாம்.

தி இந்து

தருண்

Posts : 1292
Join date : 08/10/2013

View user profile

Back to top Go down

நிதி திரட்டும் வகைகள்

Post by தருண் on Fri May 30, 2014 7:31 pm

நிதி திரட்டுவது எப்படி என்பது குறித்து கடந்த வாரம் அலசினோம். அதன் தொடர்ச்சியாக இவ்வாரம் நிதி திரட்டும் வகைகள் குறித்துக் காண்போம்.

1.சுய சம்பாத்தியம்:

பெருவாரியான தொழிலதிபர்கள் அவர்கள் தொழில் ஆரம்பித்தபொழுது தங்களது கையில் சேமித்து வைத்திருந்த பணத்தை போட்டுத்தான் ஆரம்ப காலத்தில் தொழில்களை ஆரம்பித்தார்கள். இவ்வழி அதிக ரிஸ்க் இல்லாத வழி ஆகும். நீங்கள் சுயமாக சம்பாதித்த பணத்தைப் போட்டு தொழில் ஆரம்பிக்கும் பொழுது அத்தொழிலின் லாப நஷ்டங்கள் உங்களையே சேரும். நீங்கள் யாருக்கும் பதில் சொல்ல வேண்டிய தேவையில்லை.

வெளியில் சென்று உங்கள் நண்பர்களிடம் அல்லது உறவினர்களிடம் பணம் கேட்டு நிற்க வேண்டிய தேவை இல்லை. நீங்கள் சுயமாக சம்பாதித்த பணத்தை போடும் பொழுது ஆரம்பிக்கப்போகும் தொழிலின் மீது அபார நம்பிக்கை இல்லாவிட்டால், அத்தொழிலை தொடங்கமாட்டீர்கள். மேலும், முழுக்க முழுக்க நீங்கள் சுயமாக சம்பாதித்த பணமாதலால் அத்தொழிலை மிகவும் சிரத்தையுடன் நடத்துவீர்கள். முதல் தலைமுறை தொழிலதிபர் பலருக்கும் இதுவே மிகவும் சிறந்த வழி.

இதற்காக நீங்கள் சம்பாதிக்கும்பொழுது ஒரு சிறிய தொகையை மாதா மாதம் ஒரு தொடர் சேமிப்புத் திட்டத்திலோ (ஆர்டி) அல்லது பரஸ்பர நிதியம் (மியூச்சுவல் ஃபண்ட்) நிறுவனங்கள் நிர்வகிக்கும் லிக்விட் ஃபண்டுகளிலோ முதலீடு செய்வது சிறந்ததாகும். உங்கள் ஐடியா பலப்படும்பொழுது, இச்சிறு சேமிப்பு உங்களுக்கு பேருதவியாக இருக்கும்.

2.நண்பர்கள் உறவினர்கள் மூலம் பணம் திரட்டுவது:

நீங்கள் தொடங்க விரும்பும் தொழிலின் மூலதனம் முழுவதும் உங்களிடம் இல்லாதபொழுது நீங்கள் பிறரைத்தான் நாடவேண்டும். அதில் முதல் கட்டமாக வருபவர்கள் உறவினர்கள் மற்றும் நண்பர்கள்தான். உங்களிடம் நெருக்கமாக பழகும் அவர்களுக்குத்தான் உங்களைப்பற்றி நன்றாகத் தெரியும். ஆகவே உங்கள் உறவினர் மற்றும் நண்பர்களில் முதலீடு செய்ய வசதி உள்ளவர்களை உங்களது தொழில் திட்டத்துடன் அணுகி, அவர்களிடம் முதலீட்டை கேளுங்கள்.

அதில் சிலர் உங்களுடன் கூட்டாக முதலீடு செய்து, தொழிலிலும் பங்கெடுத்து வேலை செய்ய (Working Partner) முன்வருவார்கள். இன்னும் சிலரோ முதலீட்டு பார்ட்னராக மட்டும் வர விரும்புவார்கள். இன்னும் சிலரோ பார்ட்னராக வர விரும்பாமல் உங்களுக்கு கடனாக பணம் தர முன் வருவார்கள். உறவினர் மற்றும் நண்பர்களிடம் நீங்கள் பணம் வாங்கும்பொழுது மிகவும் கவனமாக இருக்க வேண்டும்.

ஏனென்றால் தொழிலில் நஷ்டங்கள் ஏற்பட்டு உங்களால் அவர்களுக்கு பணத்தை திருப்பிக் கொடுக்க முடியா விட்டால் அது உங்கள் உறவுகளையும் பாதிக்கும் என்பதை நினைவில் கொள்க! ஆகவே நீங்கள் பார்ட்னர்களை/ முதலீட்டாளர்களை நாடும் பொழுது நல்ல முதிர்ந்த மனநிலை உள்ளவர்களை அணுகவும்.

3.வங்கி/ வங்கி சாரா நிதி நிறுவனக் கடன்கள்:

நீங்கள் உங்களிடம் உள்ள பணத்தைப் போட்டு அல்லது உறவினர்கள்/ நண்பர்கள்/ முதலீட்டாளர்களிடம் பணம் வாங்கி ஆரம்பித்த பிறகு, உங்கள் தொழிலுக்குத் தேவைப்படும் அடுத்தகட்ட நிதித் தேவைகளுக்கு நீங்கள் நாட வேண்டியது வங்கிகளை மற்றும் வங்கி சாரா நிதி நிறுவனங்களைத்தான்! வங்கிகள் எடுத்த எடுப்பிலேயே உங்களுக்கு பணம் தர முன் வரமாட்டார்கள்.

நீங்கள் தொழிலை சிறிது காலம் நடத்திய பிறகு நடப்புக் கணக்கு வைத்துள்ள வங்கியிலேயே உங்களது தொழில் கடனுக்கு அணுகலாம். உற்பத்தி, ஏற்றுமதி போன்ற தொழில்களுக்கு வங்கிகள் கடன் தர முன்வருவார்கள். இருந்த பொழுதிலும், உங்களுக்கு முதல் கட்ட கடன் வழங்கும்பொழுது வீடு, நிலம் போன்றவற்றை பிணையாக தருமாறு கேட்பார்கள். பொதுவாக வங்கிக்கடன் பிற கடன்களை விட குறைவான வட்டியில் கிடைக்கும்.

சற்று அதிக வட்டியில் விரைவாகக் கடன் பெற விரும்புபவர்கள், வங்கி சாரா நிதி நிறுவனங்களை அணுகலாம்.

4.விதை முதலீட்டு நிறுவனங்கள் (Seed Capital Funds):

நீங்கள் தொடங்கப்போகும் தொழிலுக்குப் போதுமான அளவு உங்களிடம் மூலதனம் இல்லை; மேலும் உங்கள் உறவினர்கள்/ நண்பர்களிடமிருந்து முதலீட்டை பெற முடியவில்லை என்று வைத்துக்கொள்வோம். அது போன்ற நேரங்களில் இன்றைய வளரும் இந்தியாவில் விதைப்பணம் தர பல நிறுவனங்கள் முன் வருகின்றன.

பல தொழிலதிபர்கள் பல கவர்ச்சிகரமான ஐடியாக்களை வைத்திருப்பார்கள். அந்த ஐடியாக்கள் இன்னும் நிரூபணம் ஆகியிருக்காது. அதைச் சந்தைப் படுத்தவே இன்னும் சில ஆண்டுகள் ஆகலாம். அது போன்ற சமயங்களில் வென்ச்சர் கேபிடல் நிறுவனங்கள்/ வங்கிகள்/ பிற முதலீட்டாளர்கள் முன்வந்து முதலீடு செய்ய மாட்டார்கள். இது போன்ற நிறுவனங்களில் முதலீடு செய்வது ஹை ரிஸ்க் ஹை ரிவார்ட் வகையாகும். இவ்வகை முதலீடுகளில் விதை முதலீட்டு நிறுவனங்கள் விருப்பமாக இருப்பார்கள்.

இந்த நிறுவனங்கள் அதிகபட்சமாக ரூ.50 லட்சம் வரை ஆரம்பகால முதலீட்டிற்காக கொடுக்கின்றனர். எல்லாத்தொழிலுக்கும் நிதி தருவதற்கு இந்நிறுவனங்கள் முன்வருவதில்லை. இந்நிறுவனங்கள், நீங்கள் ஆரம்பிக்கும் தொழில் ஒரு வித்தியாசமாக இருக்க வேண்டும், அதே சமயத்தில் மிகவும் அதிக வளர்ச்சி தரக்கூடிய மற்றும் விரைவாக விஸ்தரிக்கக்கூடிய தொழிலாக இருக்கவேண்டும் என எதிர்ப்பார்ப்பார்கள்.

ஐடியா நிரூபணமாகி, தொழில் கான்செப்ட் பிடிபட்டவுடன் பிற முதலீட்டாளர்கள் பெரிய அளவில் முதலீடு செய்ய முன்வருவார்கள். இந்தியாவில் ஆக்டிவ்வாக செயல்பட்டு வரும் சில விதை முதலீட்டு நிறுவனங்களின் பெயர்களை கீழே கொடுத்துள்ளேன்: Unitus Seed Fund, Accion Venture Lab, Aavishkaar, Anavo, Grassroots Business Fund, Blume Ventures, YourNest, SeedFund & Many

தி இந்து

தருண்

Posts : 1292
Join date : 08/10/2013

View user profile

Back to top Go down

நிதி திரட்டும் வகைகள்

Post by தருண் on Thu Jun 05, 2014 3:13 pm

கடந்த வாரம் நிதி திரட்டுவதில் நான்கு வகைகளைக் கண்டோம். அதன் தொடர்ச்சியாக பிற நிதி திரட்டும் வகைகள் குறித்துக் காண்போம்.

சமூக நோக்குடைய ஃபண்டுகள் (SOCIAL IMPACT FUNDS):

நீங்கள் ஆரம்பிக்க போகும் தொழில் உங்களுக்கு லாபத்தைத் தருவதோடு மட்டுமல்லாமல் சமூகத்தையும் மாற்றியமைக்கப் போகிறதென்றால், இதுபோன்ற நிறுவனங்கள் உங்களது தொழி லில் முதலீடு செய்ய முன் வருவார் கள்.

நீங்கள் செய்யப்போகும் தொழிலினால் ஒரு கிராமமோ அல்லது ஒரு பகுதியோ பொருளா தாராத்தில் முன்னேறும் என்றால் இந்த நிறுவனங்கள் முதலீடு செய்ய முன்வருவார்கள். அல்லது மருத்துவ வசதிகளே இல்லாத இடங்களில் உங்களது தொழிலி னால் அப்பகுதி மக்களுக்கு மருத்துவ வசதி கிட்டும் என்றால் அந்நிறுவனங்கள் முதலீடு செய்யும்.

முதலீட்டோடு மட்டு மல்லாமல் உங்களது நிறுவன வளர்ச்சிக்கும் இந்நிறுவனங்கள் கைகோர்த்துச் செயல்படும். இந்நிறுவனங்கள் தங்களின் வளர்ச்சியை/ லாபத்தை இரு வகையில் கணக்கிடுகின்றன. ஒன்று இம்பேக்ட் ஃபண்டில் முதலீடு செய்யும் முதலீட்டாளர் களுக்குக் கொடுக்கும் வருமானம். பொதுவாக இந்த வருமானம் ஆண்டிற்கு 10 சதவீதத்திற்குள் தான் இருக்கும்.

பிற முதலீடுகளைப் போல அபரிமிதமான வருமானம் இருக் காது. இரண்டாவது இவர்கள் செய்த முதலீட்டினால் எவ்வளவு நபர்களின் வாழ்க்கை சிறப்படைந் துள்ளது என்பதையும் கணக்கிடு வர். ஆகவே உங்களிடம் ஒரு நல்ல சமூகக் கண்ணோட்டமும் லாபமும் சேர்ந்த ஒரு பிஸினஸ் ஐடியா இருக்கிற தென்றால், இந்த நிறுவனங்களை அணுகலாம்.

கீழே இந்த வகையில் உள்ள சில நிறுவனங்களின் பெயர் களைக் கொடுத்துள்ளேன்: Ankur Capital, Upaya Social Ventures, Chilasa, Acumen Fund, Ennovent, Village Capital, & Many More...

வெஞ்சர் கேபிடல் (Venture Capital):

ஒரு காலத்தில் நமது இந்தியர்கள் புதுத் தொழில் தொடங்குவதற்கு மூலதனம் கிடைக்காமல் மிகவும் கஷ்டப்பட்டார்கள். அதற்கு எதிர்மாறாக இன்று புதிய மற்றும் அதிக ரிஸ்க் உடைய தொழில்கள் தொடங்குவதற்கான பணம் வெஞ்சர் கேபிடல் நிறுவனங்கள் மூலம் தாராளமாகக் கிடைக்கிறது.

இந்நிறுவனங்கள் புதிதாகத் தொடங்கப்படும் தொழில்களுக்கு பங்கு மூலதனம் கொடுப்பதற்கு முன்வருகின்றன.

அதிக ரிஸ்க் அதே சமயத்தில் அதிக ரிவார்டு தரக்கூடிய தொழில்களுக்கு மூலதனம் கொடுக்கின்றன. நீங்கள் ஆரம்பிக்கப் போகும் தொழில் அதிக ரிஸ்க் உடையதாகவும், அதே சமயத்தில் அதீத வளர்ச் சியை குறுகிய காலத்திலேயே தரக்கூடியதாகவும் இருப்பின், இந்நிறுவனங்களை அணுகுங்கள். மூலதனம் தருவதோடு நிறுத்திக் கொள்ளாமல், நிறுவனத்தை மேலாண்மை செய்வதிலும் இந்நிறுவனங்கள் பங்கெடுக்கும். அதே போல் இந்நிறுவனங்களின் வருமான எதிர்பார்ப்பும் மிகவும் அதிகமாக இருக்கும். இன்னும் நிரூபணம் ஆகாத தொழில்களை நீங்கள் செய்ய முனையும் பொழுது, இது போன்ற நிறுவனங் களை நீங்கள் மூலதனத்திற்கு அணுகலாம்.

நீங்கள் தொழிலே ஆரம்பிக்காமல், இந்நிறுவனங் கள் முதலீடு செய்ய முன்வர மாட்டார்கள் என்பதை நினைவில் கொள்க.

இந்நிறுவனங்களை நீங்கள் அணுகும்பொழுது, குறைந்த பட்சம் ஆரம்பிக்கப் போகும் தொழிலில் ஒரு கால்வாசி கிணற்றையாவது நீங்கள் தாண்டி யிருக்க வேண்டும். ஒவ்வொரு நிறுவனமும் குறைந்தபட்ச மற்றும் உச்சபட்ச முதலீட்டு அளவை வைத் துள்ளன.

மேலும் ஒவ்வொரு நிறு வனமும் ஒரு சில துறை சார்ந்த நிறுவனங்களில்தான் முதலீடு செய் யும். கீழே சில வெஞ்சர் கேபிடல் நிறுவனங்களின் பெயர்களை கொடுத்துள்ளேன்: Reliance Venture, Helion Venture Partners, Ventureast, IFCI Venture Capital Funds, Accel Partners, Nexus Venture Partners & Many More...

பிரைவேட் ஈக்விட்டி (Private Equity):

இந்நிறுவனங்கள் புதிதாக துவங்கப்படும் நிறுவனங்களுக்கு மூலதனம் கொடுப்பதில்லை. மாறாக ஏற்கனவே தொழில் நன்றாக செய்து கொண்டிருக்கக் கூடிய நிறுவனங்களின் வளர்ச்சிக் காக, மூலதனம் மற்றும் கடனைக் கொடுக்கின்றன.

இந்நிறுவனங்கள் நிரூபணம் ஆகாத தொழில்களில் பெரும் பாலும் முதலீடு செய்வதில்லை. சில சமயங்களில், பங்குச் சந்தை யில் பட்டியலிடப்பட்டிருக்கும் நிறுவனங்களைகூட, பப்ளிக் பங்குதாரர்களிடம் இருந்து விலைக்கு வாங்கி பிரைவேட் டாக எடுத்துச் செல்வதும் உண்டு. இந்நிறுவனங்கள் பல்லாயிரக் கணக்கான கோடி ரூபாய் முதலீடு செய்யக் கூடிய வல்லமை படைத்தவை.

நிறுவனங்கள் சந்தையில் இருந்து நிதி திரட்ட முடியாத போது இந்நிறுவனங்களை அணுகுவதும் உண்டு. இந் நிறுவனங்களின் முதலீடுகள் நீண்ட காலத்திற்கு, முதலீடு செய்த நிறுவனத்தில் இருக்கும் தன்மை உடையது.

ஆகவே பிரைவேட் ஈக்விட்டி நிறுவனங்களை புதிதாக தொழில் ஆரம்பிப்பவர்கள் அணுக வேண்டாம். நேரம்தான் செலவாகும். அதே சமயத்தில் ஏற்கனவே நன்றாக தொழில் செய்து கொண்டிருப்பவர்கள் தங்களின் தொழில் வளர்ச்சிக்காக இந்நிறுவனங்களை பங்கு முதல் போடக் கூறி அணுகலாம். கீழே சில பிரைவேட் ஈக்விட்டி நிறுவனங்களின் பெயர்களை கொடுத்துள்ளேன்: Everstone, IDFC Private Equity, New Silk Route, ChrysCapital, Baring Private Equity Partners, SAIF Partners India, and Many More...

-தி இந்து .

தருண்

Posts : 1292
Join date : 08/10/2013

View user profile

Back to top Go down

Re: நிதி திரட்டுவது எப்படி?

Post by Sponsored content


Sponsored content


Back to top Go down

View previous topic View next topic Back to top


 
Permissions in this forum:
You cannot reply to topics in this forum