Latest topics
» நீண்டகால தொழில் வெற்றிக்கு துணை நிற்கும் 5 குணாதிசயங்கள்!
by தருண் Wed Feb 01, 2017 10:21 am

» கடன் வட்டி கணக்கிடும் சூட்சுமம்!
by தருண் Wed Feb 01, 2017 9:42 am

» மெடிக்ளெய்ம்... தவறான நம்பிக்கைகளை களைவது எப்படி?
by தருண் Wed Feb 01, 2017 9:40 am

» வங்கியில் டெபாசிட்... வருமான வரி நோட்டீஸ் வந்தால் என்ன செய்ய வேண்டும்?
by தருண் Wed Jan 25, 2017 2:25 pm

» கிரெடிட் கார்டு... தவிர்க்க வேண்டிய ஐந்து தவறுகள்!
by தருண் Wed Jan 25, 2017 2:13 pm

» 2017 கவனிக்க வேண்டிய மியூச்சுவல் ஃபண்டுகள்!
by தருண் Wed Jan 25, 2017 2:05 pm

» பஞ்சாயத்து அப்ரூவல் மனை... வாங்க, விற்க தடை நீங்குமா?
by தருண் Wed Jan 25, 2017 11:36 am

» புயல் பாதிப்பு... வீட்டைப் பாதுகாக்கும் இன்ஷூரன்ஸ்!
by தருண் Wed Jan 25, 2017 11:28 am

» கேன்சர் இன்ஷூரன்ஸ் பாலிசி... ஏன் அவசியம்?
by தருண் Wed Jan 25, 2017 11:25 am

» லைஃப் இன்ஷூரன்ஸ் கவரேஜ்... எப்போதெல்லாம் அதிகரிக்க வேண்டும்?
by தருண் Wed Jan 25, 2017 11:23 am


கிரெடிட் கார்டு... தவிர்க்க வேண்டிய ஐந்து தவறுகள்!

View previous topic View next topic Go down

கிரெடிட் கார்டு... தவிர்க்க வேண்டிய ஐந்து தவறுகள்!

Post by தருண் on Wed Jan 25, 2017 2:13 pm



நம் நாட்டில் கிரெடிட் கார்டு பயன்பாடு, கடந்த ஐந்து ஆண்டில் மட்டும் 50% உயர்ந்துள்ளன. தற்போது 2.64 கோடி கிரெட் கார்டுகள் புழக்கத்தில் இருக்கின்றன. இப்போது பண மதிப்பு நீக்கப் பிரச்னையால், பணத் தட்டுப்பாடு உருவாகி, கிரெடிட் கார்டின் தேவையும், பயன்பாடும் வெகுவாக அதிகரித்துள்ளது.

இந்த நிலையில், டெபிட் கார்டுகளுடன் கிரெடிட் கார்டுகளையும் பலரும் பயன்படுத்தத் தொடங்கி இருக்கின்றனர். ஆனால், பெரும்பாலானவர்கள் கிரெடிட் கார்டு குறித்து முழு விவரமும் தெரியாமல், தவறுதலாகப் பயன்படுத்தி பல்வேறு பிரச்னைக்கு ஆளாகின்றனர். கிரெடிட் கார்டு பயனாளர்கள் தவிர்க்க வேண்டிய முக்கிய தவறுகள் குறித்து நிதி ஆலோசகர் அபுபக்கர் சித்திக் விவரமாக எடுத்துச் சொன்னார்.

1.ஒரே கார்டு!

“கிரெடிட் கார்டு என்பது அவசரத் தேவைக்கானது மட்டுமே. பொதுவாக, பல்வேறு வகையான ஷாப்பிங் செய்ய டெபிட் கார்டே போதுமானது. டெபிட் கார்டு போக, ஒன்று அல்லது இரண்டு கிரெடிட் கார்டுகளை பயன்படுத்தலாமே தவிர, அதிக கார்டுகளைப் பயன்படுத்தக் கூடாது. கிரெடிட் கார்டில் ஷாப்பிங் செய்த பிறகு குறிப்பிட்ட காலத்துக்குள் பணத்தை சரியாக திருப்பிச் செலுத்த வேண்டும். வீட்டில் உள்ளவர்களும் கார்டினைப் பயன்படுத்த வேண்டுமெனில், ‘ஆட் ஆன் கார்டை’ வாங்கிப் பயன்படுத்தலாம். இதற்காக இன்னொரு கிரெடிட் கார்டு வாங்கத் தேவையில்லை.

2.கிரெடிட் லிமிட்!

கிரெடிட் கார்டினைப் பயன்படுத்துவதில் ஓர் ஒழுங்கு நம்மிடம் நிச்சயம் இருக்க வேண்டும். 50 நாளைக்கு கிரெடிட் லிமிட், ரிவார்ட் பாயின்ட்ஸ், கேஷ்பேக் ஆஃபர் என பல்வேறு சலுகைகள் இருப்பதைப் பார்த்து, நாம் அதை அடிக்கடி பயன்படுத்தக்கூடாது. இப்போது டெபிட் கார்டிலேயே ரிவார்ட் பாயின்ட்ஸ் போன்ற சலுகைகள் வந்துவிட்டன.

கிரெடிட் கார்டில் மிகவும் முக்கியமான விஷயம், கிரெடிட் லிமிட். இப்போது கார்டு வழங்குநர், கிரெடிட் கார்டு லிமிட் 2 லட்சம் அல்லது 3 லட்சம் ரூபாய் என வழங்கிவிடுகின்றனர். வாங்கும் சம்பளத்தில் எல்லாச் செலவுகளும் போக, கையில் இருக்கும் உபரிப் பணத்துக்கு ஏற்றவாறு கிரெடிட் லிமிட் இருப்பதே சிறந்தது. உதாரணத்துக்கு, 5,000 ரூபாய் உபரி என்றால், 50,000 வரை கிரெடிட் லிமிட் இருப்பது நல்லது. கிரெடிட் லிமிட் மிக அதிகமாக இருந்தால், செலவு செய்வதில் கட்டுப்பாடு வேண்டும்.

3.லிங்க் செய்ய வேண்டாம்!

உங்கள் கிரெடிட் கார்டினை எந்தவொரு ஆன்லைன் மற்றும் வேலட் நிறுவனங்களுடன் லிங்க் செய்யாமல் இருப்பதே நல்லது. காரணம், டெபிட் கார்டு மூலம் செலவு செய்யும்போது, கையில் எவ்வளவு பணம் இருக்கிறது என்கிற விவரம் தெரியும். ஆனால், கிரெடிட் கார்டில் இது தெரியாது.

கிரெடிட் லிமிட் அதிகமாக இருந்தால், ஷாப்பிங் மோகத்தால் அதிக செலவினங்கள் ஏற்படலாம். ஆகையால், கிரெடிட் கார்டுக்குப் பதில், டெபிட் கார்டுகளை லிங்க் செய்வதே சிறந்தது. குறிப்பாக, குறைந்த அளவு கிரெடிட் லிமிட் உடையவர்கள் ஆன்லைன் தளங்களுடன் கட்டாயம் லிங்க் செய்யாமல் இருப்பதே நல்லது.

4.ஏடிஎம்-ல் பணம்!

கிரெடிட் கார்டு மூலமாகப் பரிவர்த்தனை செய்வதைவிட, ஏடிஎம்-ல் கிரெடிட் கார்டு மூலமாகப் பணம் எடுத்தால், வட்டி மற்றும் கட்டணங்கள் அதிகம். கிரெடிட் கார்டினைப் பயன்படுத்தி ஏடிஎம்-ல் முடிந்தவரை பணத்தை எடுக்காதீர்கள். ஒரு அவசரத்துக்கு உங்கள் கிரெடிட் கார்டைப் பயன்படுத்தி, ஏடிஎம்-ல் இருந்து பணம் எடுக்கிறீர்கள் என்றால், அதை நீங்கள் 50 நாட்களுக்குள் திருப்பிச் செலுத்தத் தவறினால், வட்டியுடன், அபராதத் தொகை செலுத்த வேண்டும் என்பதை மறக்காதீர்கள்.

5.அதிக இஎம்ஐ வேண்டாம்!

பெரும்பாலான நிறுவனங்களில் கிரெடிட் கார்டு மூலம் ஷாப்பிங் செய்த தொகை 2,000 ரூபாய்க்கு மேல் இருந்தால், அது இஎம்ஐ-ஆக மாற்றிக் கொள்ளலாம் என்ற வசதி இருக்கிறது. உங்களுடைய கிரெடிட் கார்டு கணக்கை ‘லாக் இன்’ செய்யும்போது, உங்களுடைய பில்லிங் சைக்கிள் வரும்முன், அதை இஎம்ஐ ஆக செலுத்திக் கொள்ளலாம் என்று நிறுவனங்கள் ஆசை வார்த்தைகளைச் சொல்வார்கள். இந்த வார்த்தைகளில் மயங்கி பலரும் அடிக்கடி இஎம்ஐ ஆக மாற்றிக்கொள்கின்றனர். ஆனால், இது மிகவும் தவறான நடைமுறை.

ஏனெனில் ரூ.5,000, ரூ.6,000, ரூ.7,000 என மூன்று பொருட்களை வாங்கி இருந்தாலும், மூன்றையுமே இஎம்ஐ-ல் மாற்றிக்கொள்ள முடியும். இஎம்ஐ-ல் 3 மாதம், 12 மாதம், 24 மாதம், 48 மாதம் என தவணை முறையே வழங்கி இருப்பார்கள். ஆனால், பெரும்பாலானவர்கள் குறைந்த அளவு பணம் இஎம்ஐ ஆக இருந்தால், பணம் செலுத்துவதற்கு எளிதாக இருக்கும் என்ற நினைப்பில் அதிக மாதம் இருக்கும் இஎம்ஐ முறையை தவறாகத் தேர்ந்தெடுக்கின்றனர்.

இதில் குறைந்தபட்சம் தவணை முறையில் செலுத்துவதே நல்லது. ஏனெனில் அதிக மாதம், குறைந்த இஎம்ஐ முறையைத் தேர்ந்தெடுக்கும்போது, பல இஎம்ஐ-களைச் செலுத்த வேண்டிய நிலை வரலாம். இறுதி வரையிலும் கடன்காரனாகவே வாழ வேண்டிய நிலை வரும். இதுபோன்ற கடன் வலையில் சிக்காதீர்கள்!” என்று முடித்தார்.

உங்களுக்கு கிரெடிட் கார்டு அவசியமா, அநாவசியமா என்பதை நீங்கள்தான் முடிவு செய்ய வேண்டும். எளிதாகக் கிடைக்கிறதே என்பதால், கிரெடிட் கார்டு வாங்கி அதிக செலவு செய்யாதீர்கள். சிக்கனமாகச் செலவழித்து சந்தோஷமாக இருங்கள்!

50 நாள் வரம்!

‘‘கிரெடிட் கார்டுங்கிறது மோட்டார் வாகனம் மாதிரி. போக வேண்டிய இடத்துக்கு செளகரியமாகவும் போகணும், அதே சமயத்துல விபத்து ஏற்படுத்தாமலும் போகணும். இங்கே தான் பலபேரு சரிக்கிடறாங்க. கிடைக்கும் செளகரியத்துலேயும், ஆர்வத்துலேயும் இலக்கு இல்லாம அளவுக்கு அதிகமாப் பயன்படுத்தி, போக வேண்டிய இடமும் தெரியாம, திரும்ப வரவும் வழி தெரியாம சிக்கிக்கிறாங்க. கிரெடிட் கார்டு பயன்பாட்டுக்குன்னு சில முக்கியமான விதிகள் இருக்கு. அதை முறையா தொடர்ந்து செய்து வந்தாலே பிரச்னை இருக்காது.

சாதாரணமா, கிரெடிட் கார்டோட கடன் சுழற்சி சுமார் 50 நாட்கள் இருக்கும். இந்த 50 நாட்கள் வரம் மாதிரி. ஏன்னா, இந்த காலகட்டத்துல கார்டு மூலமா நாம வாங்கும் பொருட்களுக்கு வட்டி எதுவும் கிடையாது. உதாரணத்துக்கு, உங்க கிரெடிட் கார்டு பில் ஜூன் 18-ம் தேதி தயாராகுதுன்னா, ஜுன் 19-ம் தேதி முதல் ஆகஸ்டு 8-ம் தேதிக்குள் பணத்தைக் கட்ட வேண்டியிருக்கும். இந்த தேதிகளை மனதில் கொண்டு சரியான தேதியில் முழுத் தொகையையும் செலுத்துறது மிக முக்கியம். இந்த தேதியில முழுப் பணத்தை செலுத்தாமத் தவறவிட்டுட்டோம்னா, இந்த வரம் உடனே சாபமா மாறினாலும் ஆச்சர்யப்பட வேணாம்.

தவிர, கிரெடிட் கார்டு பில்லை சரி பார்ப்பது மிக அவசியம். ஒரு மாசத்துல நாம என்னவெல்லாம் பரிவர்த்தனை செஞ்சிருக்கோங்கிறது தெளிவா இதுல தரப்பட்டிருக்கும். ஏதாவது குளறுபடி இருந்தா, உடனே சம்பந்தப்பட்ட வாடிக்கையாளர் மையத்துக்குத் தகவல் தெரிவித்து, உங்கள் புகார் எண்ணைக் குறிச்சு வெச்சுக்குவது அவசியம்’’ என்கிறார் கிரெடிட் கார்டினை திறன்மிக்க வகையில் பயன்படுத்திவரும் சென்னையைச் சேர்ந்த வி.மாதவன்.


ந.விகடன்

தருண்

Posts : 1266
Join date : 08/10/2013

View user profile

Back to top Go down

View previous topic View next topic Back to top


 
Permissions in this forum:
You cannot reply to topics in this forum